As I said before, we are in front of a totally new situation, regarding a lot of different issues, as political prisoners, victims, independence… So I think that we all, and by we I mean the whole world, but mainly those who have the power to, should make a big effort to get clear water out of it, and leave the mud appart.

A question comes to my mind as well. Until this day, different spanish governments have used ETA and terrorist issues to hide really deep problems within their society, so, what happens now? how are they going to justify high rates of unemployment, corruption, public school issue and a long but not less concerning issues?

I beg you readers pardon if my writing is not perfect, because my english isn’t perfect too, but I wanted to make it clear, and somehow international, I wanted to let the world know that today is a great day for the Basque country, tomorrow will be a better day, and the day after tomorrow…lets see.

Denboraldi berri bati ekin genion aurreko igandean, eta zergatik ez esan, ilusioa piztu zitzaigun askori. Realak Villareal zuen aurkari, europako onenen artean dagoen taldea, eta 1-0 irabazi zuen Xabi Prietoren gol bati esker. Hala ere gola ez zen izan garrantzitsuena, baizik eta taldeak eman zuen itxura, eta itxura ona eman zuen egia esan; Martin Lasartek esan bezala, geratzeko etorri gara.

Ilusio berak bultzatuta gaur bertan zubietara joan naiz, entrenamendua ikusi eta ea zerbait berria ikusten ote nuen konprobatzera. Goizeko saioak berez ez du ezer berezirik izan; hasieran rondotxo bat, eta gero lehengo igandean jokatu zutenak luzaketak eta trote pixka bat egitera bidali dituzte. Hauek izan dira lehenak saioa amaitzen. Bigarren talde batek, hau da, aurreko astean bigarren zatian irten edo jokatu ez zutenek berriz, saio dinamikoago bat egin dute, eta partidatxo batekin amaitu. Hemen Jeffrey Sarpong jokalari berria zegoen, eta egia esan gustatu zait. Badu gar berezi bat, eta ez dio beldurrik urrunetik baloia jotzeari, eta hori oso, oso interesgarria izan daiteke realean. Gero pentsatzen jarri eta konturatu naiz egungo hamaikakoan zaila izango duela lekua aurkitzea, baina ea nola doan aurrera denboraldian.

Zorte on beste taldeei ere, baina liga zaila izango da guztiontzat aurtengoa.

Danimarkan bizitzen egon nintzenetik, konturatu nintzen zerga-biltze sistema on batekin, ongizate deritzogun gizarteak hobe funtzionatzen duela, eta orduz geroztik nire ingurukoei adierazi diet, joera hau dela benetan gizartea hobetzeko bidea. Jakin badakit zergak igotzea oso neurri inpopularra dela, eta jendea gainera botako zaizula, beraiena bezala ulertzen duten dirua ez ikutzea komeni baitzaie, baina zergen igoera soldaten igoerarekin batera egingo balitz, denak pozik (gutxi gora behera).

Badakit krisi mundialean gaudela, eta horrelako neurriak ezin direla orain hartu, baina desegokia deritzot era berean jendeak lanik ez duenean duenari 2 urte gehiagoko lana inposatzea. Oraindik 15 urte edo falta dira lehenengo belaunaldia (59koa) jubilazio adinera iritsi arte, eta espero dut ordurako ekonomia zertxobait hobe joatea. Baina egia esan ez diot zentzu haundirik hartzen jendea langabezian egon eta ez daudenei urte gehiago sartzea, logikak baitio jubilazio batek bere horretan, kanpo faktorerik gabe, lanpostu berri bat dakarrela.

Inpuesto edo zerga igoerak aldiz estatuari dirua emango lioke, diru horrekin langabeziaren gastuak kubritzeaz gain, beste lanpostu batzuk sortzea ahalbidetuko luke, nahiz eta lanpostu berri hauek ikaragarrizko etekinak ez izan, estatuko ekonomiak nahikoa poltsa izango luke gastu guztiei aurre egiteko.

Nire lema beraz, soldatak gora, zergak gora da. Ongizatea gora, gizarte zerbitzuak gora, langabezia behera, txirotasuna behera.

Benetan gomendatzen dut dokumental hau ikustea, hori bai, gorputza ongi prestatuta eraman, imaginak ez baitira egunero ikusten ditugunak, ez eta gutxiago ere.

Gainera Creative Commons labela du, beraz edozeinek deskarga dezake eta baita nahi duenari erakutsi ere, oso aukera ona horrelako dokumentalak mundu zabalera erakutsi nahi dionarentzat, eskuragarri baitu edonork.

Besterik gabe, ikusi eta ikasi.

Bi erreakzio mota bereiztu nahi ditut. Elurrak emozioa edo beldurra sortzen du pertsonaren arabera.

Emozioa gehienbat gazteengan sortzen du, badirudi bahametan jaioak garela bertako gazteak eta ez dugula inoiz elurrik ikusi. Argazki kamerak prestatu eta 6573766478364758880000 argazki ateratzen ditugu. Normalean argazkiak nahiko txarrak izaten dira, eta paisajeak oso politak ere ez izatez, baina elurra dagoenez…. bost axola. Beste aukera bat urtean zehar zaborretarako erabiltzen ditugun plastikoak hartu eta maldan behera botatzea izaten da; dibertigarri duena nekagarri ere badu, hemen ez baitago arrastrerik eta oinez igo behar duzu aldapa. Uzkiko mina % 100 ziurtaturik. Beste aukera bat, neronek bart praktikatu nuena elur bolatxoen gerra da, gorputza berotan sartzeko aukera ona egia esan, baina eskuekin ez da berdin gertatzen, izoztu eta zauritu egiten baituzu, lasai, anputaziorik ez, baina hurrengo egunean besoak minberatuta izango dituzu agujetengatik, eta agian ubelduren bat ere.

Beste erreakzioa beldurra izaten da, hemen komunikabideek zeresana dutela baieztatuko nuke, astebeteko beldur-sartzeak eragina baitu lehenago gazte izan zirenengan. Kotxea ikutu ere ez, 30 arropa geruza bata bestearen gainetik, ibilera neandertala eta beste hainbat sintoma nabari ohi dira. Hauek ez dute elurra gozatzen, baina manta azpian ederki egoten dira, eta asteleheneko elkarrizketetan aspaldi horrelakorik ez zela azpimarratzeko ezinbesteko aitzakia dute.

Noiz ematen ote da ikuspegi batetik besterako jauzia?

Señores de todo el mundo, dimitan antes de dar pena, gracias.

Denboraldia hasi da, Realarentzat ere bai, oraindik beraiek konturatu ez direla badirudi ere, Champions-a ere hasi da, magia zelaian. Telebista bere onera dator berriz, eskerrak, zaborra zertxobait gutxituko baita.

Bestela egia esan zalantzak ditut gauzak aldatuko direnaren inguruan; munduak biraka darrai, eta gu berarekin. Berri Txarrak-ek diska berria du, gomendagarria, soinu gordina, norbaitek imajina dezake nola litekeen soinu hori walkman batean? hori bai gordina. Death before digital esango luke norbaitek. Buelta daitezela walkmanak, eta cassetteak ere bai, edo egin ditzatela hauen formak dituzten emepehiruak edo mp3-ak aro digital honetan.

Zorte on eta zoriona!

Estatu kolpeak beti miretsi izan ditut, ez gaizki ulertu,  faktua miresten nuen, ez beti gertaera. Nola zen posible gutxi batzuk urteetan zeramaten gobernu edo botere formak bertan behera uztea ordu gutxiren baitan, irrati, telebista eta abarren emisioak moztu, gobernu etxeak okupatu eta kaleak  milizianoz bete. Pentsatzen dut biztanleriaren babesa beharrezkoa dela kasu hauetan, nahiz begibistakoa izan edo ez.

Askotan pentsatzen dut ea gure gizarte superdemokratiko eta superidealetan estatu kolpeak posible izango ziren, nola eraman daitezkeen aurrera, eta egia esan lan handiak hartu beharko lituzkete kolpearen nondik norakoak ondo finkatu eta aurrera eramateko. Hala ere, lehenengo puntu garrantzitsua nire ustez propaganda indartsu eta sakona da, beti.

Eta konturatu nahiz propagandaz iada nahiko saturatuak gaudela, ez ote gara jakin gabe estatu kolpe baten barruan egongo, ezkutuko planen batek ez ote gaitu gure herria norantza batera gidatzen. Hala bada, ez dakit Allende izan nahi dudan. Badaezpada ere ni, Clint Eastwood-ek egingo duen pertsonaia izango naiz, tipo horrek beti baitauka arrazoia, edo ezean, arma azkarragoa.

Azken egunetan komunikabideek  gai bakarra dute, Athletic kopako finalean, eta ez pentsa gaia idazterakoan akatsa egin dudanik, ez. Kopako finala Athletic eta Bartzelonaren artean da, baina azkenaldian Bilboko taldeaz soilik hitz egiten da, duela 25 urte irabazi zuela azken aldiz, 25. errege kopa izango dela irabaziz gero eta abar. Bi puntu nagusi honen inguruan: Lehenengoa, Finala bi talderen artekoa da, Bartzelonak ere merezi du bere txokoa komunikabideetan, finalaren %50-a baita, eta jokalariei erreparatuz gehiago dela ere esango nuke. Eta bigarrena, eta Euskal Irrati TeleBistari dagokionez, telebista publikoa bada, gogoratu daitezela behingoz badirela Athleticzaleak ez garenok, badirela Realzaleak, Alaves-zaleak edo Osasunazaleak. Normalean nahiko nabarmena izaten da Bilboko taldeari egiten dizkioten aipamen eta laudorioak, baina azkeneko astea LOTSAGARRIA izan da, besterik ez zen munduan.

Horretaz gain eta erreflexio pertsonal moduan zerbait aurresan nahi dut. Nire ustez Athleticek irabaziko du finala, berau erosita baitago. Arestian esan bezala duela 25 urte irabazi zuen azkena, eta orduz geroztik eztu ezer egin ez ligan ez kopan ez inon. 25. kopa izango litzateke irabaziz gero. Bartzelonak baditu beste 2 titulo eskura eta eskuragarri. Gainera, Villar jaunak bere postuan darrai, eta hori aldatu ezean Athleticek beti izango ditu epaileen aldetik laguntzak.

Ikusiko dugu, eta ea pronostikoarekin huts egiten dudan, baina hainbesteko txaparekin ahaztua dugu ERREGE kopa dela, eta hori ez zaigula gustatzen.